Nagadan an agom niyang babayi
sarong banggi na an bulan garo bangka.
Poon kaidto tuminubo naman
an sarong bukol sa harani
kan saiyang hirog.
“Nagbalik na an sakuyang, agom,
an gusok kan sakuyang hawak.”
an sabi kan lalaki.
Asin luhay-luhay niya naman
nalingawan an pangaran
kan gabos na bagay, hayop,
lugar asin iba pang tawo
sa saiyang palibot.
Nagadan siya kan bangging
mayong bulan.
No comments:
Post a Comment