May duwang lalaking nagbadilan
(an sabi mga armi)
mantang nagkakawat nin baraha
dai napagkauyunan an sistema
kan pagbalasa
kan uminabot an mga pulis
ini an mga nakuang ebidensya:
apwera sa duwang bangkay
na kinuritan nin tisa
asin magkapirang mga bala
nahiling man sa pinangyarihan
kan krimen
an pirang bote nin gin
asin an mga suhay-suhay na baraha
garo nasustuhan si mga reyna
namungnan si mga hade
nakiriligan si mga numero
asin an pinakahuring nakua
sa laog kan bulsa sa saro
si joker na nagbuburubulukun sa ngirit
asin an sarong alas na nakaipit.
No comments:
Post a Comment